Plantun de Prouvènço

Pèr coumpara dos planto d'encò nostre

Laserpitium gallicum & Ranunculus aduncus

Engraisso-saumo

Laserpitium gallicum

Apiaceae Umbelliferae

Àutri noum : Angelicasso, Batouiro, Berlo.

Noms en français : Laser de France, Laser odorant.

Descripcioun :
L'engraisso-saumo es uno planto coumuno de colo e de mountagno que trachis dins li pendis roucaious, ensouleia e sus cauquié. Se recounèis à si fueio verdo, lusènto, sènso péu, 4 à 5 cop divisado e à sa cambo regado e pleno. Fai de grand brout (oumbello) de 20 à 50 rai emé de bratèio ciliado.

Usanço :
Li fueio, un pau duro mai perfumado, podon servi pèr assaboura. Parié que sarié bono pèr lucha contro lis ànci. Lucho peréu contro l'enflamacioun.

Port : Grando erbo
Taio : 30 à 80 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Laserpitium
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 7 à 18 cm
Flourido : Estiéu

Sòu : Ca
Autour basso e auto : 0 à 2300 m
Aparado : Noun
Juliet à avoust

Liò : Pendis roucaious - Pinèdo - Blachiero - Roucaio
Estànci : Mesoumediterran à Subaupen
Couroulougi : Ouroufito-Sud-Ouèst-Éuroupenco
Ref. sc. : Laserpitium gallicum L., 1753

Ranouncle(-croucu)

Ranunculus aduncus

Ranunculaceae

Noms en français : Renoncule à carpelles crochus, Renoncule crochue.

Descripcioun :
Lou ranouncle-croucu trachis dins li bos clar de colo e de mountagno sus cauquié. Es uno planto coumuno dins soun relarg emai siegue pas toujour couneigudo. Se recounèis à si flour pelouso que porton d'akène forço croucu e à si pecou que soun pas boutis.

Usanço :
Coume tóuti li ranouncle, es uno planto empouisounanto, pamens couneissèn pas d'usanço particuliero. Escriéure au site se n'en sabès mai.